من
ييجى ١٠٠ سنة، سيد درويش غنى من كلمات بديع خيرى "مصر يا أم العجايب".
احنا ما نعرفش كان قصده إيه بالضبط بالعجايب، بس الأكيد إن أسامى القرى دى
كلها تؤهل مصر إنها تبقى أم عجايب الدنيا كلها بجدارة .
١- سنهوت البرك
جوا
كل أم مصرية قدرة مدهشة على ابتكار شتايم معقدة، زى "يا هباب البرك"، أو
"نيلة المجارى". بس لسبب ما، أظن إن "سنهوت البرك" دى مصدر القدرات كلها من
أيام الفراعنة.
٢- الزنكلون
واحنا
صغيرين كانوا دايما يسألونا "إيه الرقم اللى أكبر من ألف؟ طيب أكبر من
مليون؟ طيب أكبر من مليار؟ طيب أكبر من تريليون؟". الواضح طبعا إن الإجابة
النهائية هى الزنكلون، أكبر رقم فى الكون هو الزنكلون … أو الألف زنكلون …
أو المليار زنكلون … أو …
٣- البلد
بعد برنامج "البرنامج"، ومحل مكرونة "مكرونة"، وقهوة "القهوة"، كان من البديهى إن الموضوع ينتهى ببلد “البلد"!
"انت من فين؟" .. "من البلد" .. "أيوا أنهى بلد؟" .. "البلد!"
٤- أين نشأت وجبة الكنتاكى؟
واضح
إنه ولا كان كولونيل ولا حاجة، ولا كان اسمه ساندرز حتى. مؤسس وجبة كنتاكى
هو العمدة سند رامز، عمدة كفر أبو فراخ، ودبوس، وخلوة دبوس .
٥. الدراكسة
دراكس المدمر - Drax the destroyer من فيلم "جارديانز أوف ذَا جالاكسى \ Guardians of the Galaxy"؟ يوليان دراكسلر اللى بـ يلعب فى نادى شالكه الألمانى؟ مين الدراكسه دول؟؟ وإيه علاقتهم بالفضاء!
٦. الستامونى وقلبشو
"بحبك
يا ستامونى"، والإلهام الأول لأغنية "قرقشانجى دبح" قلبشو". واضح إن إلهام
أهم علامات الثقافة المصرية فى السبعينات والتمانينات جت من هنا .
٧. الواحات
ازاى تسافر باريس "الـ بــى خفيفة مش تقيلة"، بأقل تكلفة؟ خد عربية وعليك وعلى الواحات. مبروك عليك باريس .
٨. دولة المماليك
بعد
مذبحة القلعة، نجا عدد محدود جدا من المماليك من قتل محمد على، وهربوا على
الشام. اللى محدش عارفه إنهم رجعوا تانى قرب نهر النيل، وعملوا طرق وكبارى
تحت قيادة قائدهم الأعظم، برقاش المناشى!
٩. أم زغيو؟ فعلا؟
لا تعليق
١٠. الثورة الروسية ١٠١
بعد
قيام الثورة الروسية على الكسندر الثانى، اضطرت معظم عائلة القيصر الروسى
للهرب خارج روسيا. اللى ما تعرفوش إنهم وقتها وصلوا لمصر واستقروا سرا هنا.
السر فضل فى حيز الكتمان لسنين كثيرة، لأنهم أخفوا كل آثار أصلهم عن
العيون. وبعد موتهم، وكتقدير من سكان القرية لهم، سموا القرية بـ"شطانوف"،
وهو اسم البيضة الفابراجيه المرصعة بالزبرجد اللى كان نيقولا الرابع بيلعب
بيها فى طفولته.
١١. لعنة الفراعنة
"شَنْشُور، تِلوَانَة، هِيت، هِيت". يقولها ثلاثًا وهو ينظر لقمر ١٤، وبعدها يختفى أعداءه – من مخطوطة فرعونية .
١٢. بوليتيكال كور كتنس
ما اسمهاش زنجى يا مصر، اسمها "أفريكان آميريكان" لسبب مجهول . شبرا أفريكان آميريكان .
١٣. الدلنجات
واحدة
من أكثر أسامى القرى المحببة لقلبى. المفروض طبقا للأسطورة إنها زمان كانت
زى لاس فيجاس للفراعنة، واتسمت الدلنجات على اسم الصوت اللى بيطلع من
ماكينة القمار لما بتكسب "دلنج دلنج دلنج".
١٤. Pen Pals
فى التسعينات، وقبل انتشار الإنترنت، كان منتشر بين جيلى مراسلة شباب خارج مصر عن طريق Pen Pal . طبعا واضح المقر الرئيسى لـ Pen Pal فى مصر كان فين.
١٥. الثورة مستمرة
انتم كل ده مخبيين البرادعى هنا ومفهميننا إنه فى أوروبا؟
١٦. البارادوكس
البارادوكس،
أو المغالطة المنطقية، فى حالتنا دى بتقول: لو واحد من قرية الشغب، انضم
لقوات مكافحة الشغب، هل أهل القرية بيعتبروه خاين لهم؟
١٧. الجوع كافر
واضح إن حتى كيت-كات بذاتها هى مو هى وهى جعانة . خذلك كيت-كات، ما تبقاش كيت-كاتة .
١٨. مملكة الخواتم
مين كان متوقع إن عالم J. R. R. Tolkien مؤلف Lord of The Rings وقصص أخرى، هـ يهرب منه مدينتين بحالهم على مصر؟
١٩. الكاوبوى
"Houston, we have a problem,هيوستن، واضح إن عندنا مشكلة, فى ٢ دالاس على الكوكب!"
٢٠. Highway to ACDC؟
للمهتمين بكتابات "رفعت إسماعيل" فـ ده غالبا الطريق المؤدى لجانب النجوم.
للمهتمين بعالم الكوميكس، ده غالبا الطريق المؤدى لأبيار لازاروس بتاعة راس الغول
منقوووول.
